Content of the new page
..فضلا ارسلوا لنا نجاحاتكم نفرح بها

ولنا في ابنائنا السودانين مفخرة..من هم خارج الوطن يكابدون الغربة والأيام الصعبة وينجحون ويتفوق ابنائهم رغم ذلك   ومن هم بداخل بلادنا يكابدون الفقر واللأواء ولكنهم لايستسلمون حتي يبرز كتابهم باليمين ابيض من غير سوء  لهولاء ولأولئك هذه المساحة ولهم في قلوبنا مساحات ارحب ..فضلا ارسلوا لنا نجاحاتكم نفرح بها

  
يا سليم الذوق يا الجمالك صار

زينة الايام و متعة الابصار

سامى حسنك جلَّ عن حصى و احصار
و كل جميل لجمالك دونه و الاقصار
حسنك انت يدوم و الليالى قصار
هو فى العصور اثار لمفاخر الامصار

نور جمال متسلسل من خيار اخيار
نظم الكواكب سلسل كوكبو السيار
فى الفرقدين والزهرة حبيبى ليه ديار
ما فى سماء الدنيا ده بعيد على الطيار

من اشعة محيك شعشع الاقمار
و الشموس و الشمس الفى سماء الاعمار
لدن المعاطف لون دانت قطوفها ثمار
و لماه لمى الدر على خمرة الخمار

ياكنوز الدنيا الضامر الاسرار
انا غير ازمة وجدى ما بى من اضرار
غرة عيونى جمالك و قلبى ليك قرار
وانت حاكم ظالم و حر من الاحرار

لكل شىء برهان رغما عن الانكار
مهما ادارى هواك يهزنى التذكار
انشد قوافى سناك واتعمد الابكار
من كل معنى طريف فى جواهر الافكار

فوران عواطفى يمثل كل شىء فوار
استنشد المستنجد وانشد الغوار
و اذا عزولى بدالى و قصده يبدى حوار
اتناسى اسمك عمدا اقول له دا النوار